ஊரடங்கு பிறப்பிக்கப்பட்டு 15 நாட்கள் ஆகின்றது. ஆனால் மக்கள் அதற்கு முன்பே பொருட்களை வாங்க ஆரம்பித்துவிட்டார்கள். பெரும்பாலும் அரச நிறுவனங்களும், சில தனியார் நிறுவனங்களும் தமது ஊழியர்களுக்கு மார்ச் மாதத்திற்கான அடிப்படை சம்பளத்தை வழங்கியுள்ளது. அந்த பணத்திலும் மக்கள் எவ்வளவு பொருட்களை வாங்கிச் சேர்க்க முடியுமோ அவ்வளவு பொருட்களை வாங்கிச் சேர்த்து விட்டார்கள்.

"கிபீர் குத்தப்போது, பொம்மர் அடிக்கப்போது, ஹெலி சுத்துது, சுப்பசொனிக் இரையுது... உள்ளுக்க ஓடுங்க... ஓடுங்க..." - இந்தச் சத்தம் கேட்டால் போதும், கையில் வைத்திருக்கும் சோற்றுத் தட்டோ அல்லது பாடப் புத்தகமோ அங்கேயே விழும். அடுத்த சில நொடிகளில் நாங்கள் இருப்பது வீட்டுக்குள்ளோ அல்லது முத்தத்திலோ அல்ல; மண்ணுக்கு அடியில் இருக்கும் அந்த இருட்டு அறைக்குள்ள. அதுதான் எங்கள் பங்கர்.